– ۋكرايناعا قوناققا بارعانىمدا سونداعى تۋىستارىمنان ۆالەنتين كازميرەنكو دەگەن كاسىپكەردىڭ اعاش كومىر شىعاراتىنىن ەستىدىم. شىنى كەرەك، بۇل جاڭالىق مەنىڭ قىزىعۋشىلىعىمدى وياتتى. «ول قانداي زات ەكەن؟» دەگەن سۇراق تا كوكەيىمنەن كەتپەي قويدى. كاسىپكەرمەن كەزدەسىپ، جۇمىسىمەن تانىسقاننان كەيىن ءبىزدىڭ وبلىستا وسىنداي كاسىپتى نەگە اشپاسقا دەگەن وي كەلگەن ەدى. سول كىسىدەن ءتاءجىريبە الىپ، اعاش كومىر جاساۋدىڭ قىر-سىرىنا قانىقتىم. كاسىپكەر دەن وندىرىسكە قاجەتتى پەش ساتىپ الدىم، – دەپ باستادى اڭگىمەسىن ورالدىق جانار ابدۋراحمانوۆا.
سودان سوڭ ول كاسىپپەن ياعني قۇرامىندا كوپ مولشەردە كومىرتەك بار ميكروكەۋەكتى ءونىمدى وندىرۋمەن اينالىسۋعا بەت بۇرادى. باتىس قازاقستان وبلىسىنىڭ اقجايىق اۋدانى بۋدارين اۋىلى ماڭىنداعى ۆولكوۆو كولىنىڭ قاسىنداعى كراسنىي يار دەگەن جەردە جەكە كاسىبىن دوڭگەلەتىپ وتىرعان جانار بەرىك قىزى ءوز كاءسىءبىن وتكەن جىلى باستاپتى. مەملەكەتتىڭ قولداۋىنا ارقا سۇيەگەن كاسىپكەر «بيزنەستىڭ جول كارتاسى – 2020» باعدارلاماسى شەڭبەرىندە مەملەكەتتىك-يننوۆاسيالىق گرانت يەگەرى اتانادى. سونىڭ ناتيجەسىندە 2 800 000 تەڭگە قايتارىمسىز قارجىعا قول جەتكىزگەن. وسى قاراجاتقا ۋكراينادان كاسىبىنە قاجەتتى ءپيروليزدى پەش ساتىپ العان.
ونىڭ قولىندا UP-EKO نىسپىلى ءپيروليزدى پەشتە اعاش كومىرىن وندىرۋدەگى تەحنولوگيالىق-رەگلامەنتتىك جۇمىستاردى ورىنداۋ جانە ۇيىمداستىرۋ بويىنشا وقىعانىن ءدالەل دەيتىن انىقتاما دا بار.
– شيكىزات رەتىندە قۋراعان، ءورت شالعان اعاشتاردى پايدالانامىز. وسى كاسىبىمىز ارقىلى ورماندى قۋراعان اعاشتاردان تازارتامىز. ءونىمىمىزدىڭ ساپاسى جاقسى بولعاندىقتان، ورال قالاسىنداعى مەيرامحانا-كافەلەردەن سۇرانىس كوپ تۇسەدى. ماسەلەن، «اي-لۋنا» كافەسى اپتا سايىن ءبىر توننا اعاش كومىرگە تاپسىرىس بەرەدى. سونىمەن قاتار «باكۋ»، «ديەۆيچيا باشنيا»، «ايكار»، «ۆوستوچنايا سكازكا»، «ۋ ماناسيانا»، «سيم-سيم»، «نيوليت» مەيرامحانا-كافەلەرى اعاش كوءمىرءدى ءتۇرلى كاۋاپتار مەن ستەيكتەر دايىنداۋ ءۇشىن ساتىپ الادى، – دەيدى كاسىپكەر.
جانار دوڭگەلەتكەن كاسىپتە اۋىلدىڭ ون تۇرعىنى جۇمىس جاسايدى ەكەن. ءقازىر ول ءۇشىنشى پەشتى قوسۋدىڭ قامىن جاساپ ءجۇر. سونداي-اق وعان اتىراۋ، ماڭعىستاۋ وبلىستارىنىڭ تۇرعىندارى دا تاپسىرىس بەرەدى ەكەن. ونىمدەر 10 كەلىلىك قاپشىقپەن ساتىلۋدا. كاءسىپكەرءدىڭ ايتۋىنشا، كوتەرمە باعا مەن السا، كەلىسى 120 تەڭگە، ال 5-10 قاپشىقتاپ السا، كەلىسى 140 تەڭگە دەن ساتىلادى.
